Bald kimmt's Christkindsche!: Verweschend heidere Weihnachtsgeschischder uff gut Hessisch

Von Hans W. Wolff

Die Geschischt von Maria un Josef un vom klaane Jesus im Kuhschdall von Bethlehem, die kenne Sie ja, nemm isch emaa aa, behauptet Hans W. Wolff in bestem Frankforderisch. Viel interessanter ist doch, wer nun de rischdische Babba von dem klaane Jesus is! Mit spitzbübischem Tonfall erklärt Wolff in diesem fröhlichen-festlichen Buch, was an Heilischawwend wirklich im engsde Familljekreis passiert. Er räumt auf mit der Schenkeritis an Weihnachde und dem ganze Babbiergelersch un Kordelgeworschdel unnern Weihnachtsbaam. Er erörtert das Problem mit de junge Leut, die kaan Liedtext mehr kenne und erklärt, wie das mit den kindlichen Illusjone rund um den Niggelees geschehen konnte. Neben den killoweis Pläddsjer mit all den Schdernscher, Halbmöndscher, Hinkelscher, Vöschelscher bleibt auch de Sennjornweihnachte nicht verschont. So bringt Hans W. Wolff mit Bald kimmts Christkindsche! die nötige Abwechslung in die Tradition der klassischen Weihnachtsgeschichte am Heiligabend. Schelmisch von Ludwig Nardelli illustriert, machen Wolffs weihnachtliche Mundart-Geschichten aus der stillen eine fröhliche Nacht, bei der garantiert kein Auge trocken bleibt.

• Sprache: Deutsch
• Herausgeber: Societäts-Verlag
• Erscheinungsdatum: 1. Feb. 2012
• ISBN: 9783942921671

Buchvorschau

Hans W. Wolff

Bald kimmts Christkindsche!

Vorwieschend heidere Weihnachtsgeschischdscher uff gut Hessisch

Mit Zeichnungen von Ludwig Nardelli

Alle Rechte vorbehalten • Societäts-Verlag

© 2011 Frankfurter Societäts-Medien GmbH

Satz: Nicole Proba, Societäts-Verlag

Umschlaggestaltung: Nicole Proba, Societäts-Verlag

eBook: Beltz Bad Langensalza GmbH, Bad Langensalza

ISBN 978-3-942921-16-9

Inhalt

Weihnachte bei uns dehaam, frieher maa

Die Weihnachtsgeschischt aus de Bibel

De Niggelees

In eischner Sach

Vom Schenke

Gesunge muss wern an Weihnachte

Vom Verpagge an Weihnachte

Weihnachtsbäggerei

Oldie am End vom Jahr

Scheene Weihnachtswörder

Am besde lässt mer de liewe Gott en gude Mann sei

Komische Weihnachtswörder (1)

Schbiele an Weihnachte (1)

Feierlisch

Sennjornweihnachte

Dehaam is dehaam (1)

Es Teekesselsche

Uffem Weihnachtsmaggt

Hinnerher un dadevor

Christstolle

Ausgereschent an Weihnachte!

Dehaam is dehaam (2)

Frankforder Bethmännscher fer de Weihnachtsdeller

Die Weihnachtsgans

Weihnachtseikäuf vor hunnert Jahn

Die Weihnachtspost

De Weihnachtswunschzeddel

Komische Weihnachtswörder (2)

Schwere Schenkendscheidunge

Schbiele an Weihnachte (2)

Weihnachte bei uns dehaam, frieher maa

Am schennsde is Weihnachte ja fer die Kinner, maane Sie net aach?

Wenn isch an Heilischawend denk, da seh isch misch als klaaner Bub mit meiner klaane Schwesder zusamme vor de Wohnzimmerdier wadde, muggsmäusjeschdill, geschbannt wie en Fliddsebooche. Wann derfemer nei zum Christkindsche?

Des hat immer e klaa Ewischkeit gedauert, bis mer endlisch, endlisch enei durfde. Nehmlisch dann, wenn mer uff aamaa e ganz fei Glöggschergeläut geheert hat. Dann awwer nix wie enei ins Wohnzimmer! Da hat en große Weihnachtsbaam geschdanne, mit viele bunde Kuchele draa un silberne Schdern, golden Lamedda un brennende Käzze uff de Zweische. Un ganz owwe druff uff dem Weihnachtsbaam war des Gloggeschbiel. Ach, was hat des so schee geklunge! Mir klaane Döbbsch hawwe nadierlich noch gaanet gewusst, wie des scheene silbrische Gloggeläude endschdanne is. Schbeder hats uns de Babba un die Mamma erkleert. Die uffschdeischende Hitz von dene brennende Käzze hat en Drehkranz in Beweeschung geseddst, an dem klaane Klöbbelscher gehange hawwe. Die sinn bei der Drehung von dem Kranz an Glöggscher draageschdoße, un dadorsch is des Geläut zuschdand gekomme. Ach, war des schee! So ebbes vergisst mer sei ganz Lewe lang net.

E Weilsche schbeder hat de Babba sei Geisch genomme un die Mamma ihr Gidda. Dann hammer zusamme, schee mit ersder un zweider Schdimm, die aldehrwirdische Weihnachtslieder gesunge: O Tannebaam, Schdille Nacht, Sießer die Glogge nie klinge, Oh du Freelische, un wie se all heiße.

Un dann, viel schbeder, nachem Singe un Musiziern, dorfte mer die Geschenkpäggscher uffmache. Des war nadierlich en Rieseschbass fer uns Kinner, obwohl da gaanet viel drin war. Un was drinn gewese is, waan fast nur praggdische Sache. Wollene Schdrimb, von de Mamma geschdriggde Pullower, so Zeusch. Die Zeide waan schlescht, de Babba awweidslos, da musst jeder Fennisch dreimaa umgedreht wern.

Des warn scheene Weihnachde bei uns dehaam. Isch denk heut noch draa.

Die Weihnachtsgeschischt aus de Bibel

Die Geschischt von Maria un Josef un vom klaane Jesus im Kuhschdall von Bethlehem, die kenne Sie ja, nemm isch emaa aa. Die Geschischt geheert eifach zu unsere, wie säscht mer doch gleisch?, zu unsere Leidkuldur, wenn Se misch fraache. Un desweesche sollt jeder die Geschischt kenne, aach wenner mit de Kersch nix am Hut hat.

Isch selwer hab die Geschischt als klaaner Bub von meiner Omma väderlischerseids verzählt kriet. Mehr wie aamaa. Die Omma war asch fromm un is net nur Sonndaachs in