Aber heb mol an Luftzug: Schwäbische Gedichte

Von Peter Schlack

Neue schwäbische Gedichte eines der bekanntesten Vertreter neuerer schwäbischer Dialektliteratur.

Gedichte um Stimmungen, Lebenserfahrungen, Kinderreime, philosophische Fragestellungen und um die Natur sowie elegante schwäbisch-englische Jazzgedichte sind in diesem Band versammelt.

Peter Schlacks Gedichte sind ein Paradebeispiel dafür, wie Mundart jene unsagbare Räume öffnen kann, die der Hochsprache verschlossen bleiben. Gemüts- und Gedankenbewegungen finden Ihre präzise Abbildung in musikalischen Sprachbildern, die mal luftig, mal melancholisch aber stets eindrücklich sind, wie wenn dem toten Freund erinnert wird:

AMMA TOTA FRAEND
Manchsmòl het-e daene
lange Sätz gern schneller
zua amma End brenga wella
Vor lauter Ogeduld
Ets lern-e Geduld
wenn-e dr äbbas
zom Vrzehla het

• Sprache: Deutsch
• Herausgeber: Silberburg-Verlag
• Erscheinungsdatum: 7. Sept. 2012
• ISBN: 9783842515208

Buchvorschau

Fahrt

Zwischa ma Blao

ond amma Blao

1

An Wend

wo en de Baem

s Meer vordeischt

A kloene Wolk am Hemmel

Bindestrich

zwischa ma Blao

ond amma Blao

Liegestuahl

en dr dritta Rille

grad recht fir mae Kreiz

2

Nach sotte Wocha

wo d Sonn de Leit zaegt hòt

was an Sonnabrand isch

hen de

nach dem òstendiga Pflatscher

dia Rosa an dem Busch

fascht òglacht

3

Warta uff andre Täg

ond dass dr Rega nòchlässt

onds Platz gibt

em Kopf

neber därra Leere

Warta uff den Tag

wos still isch

en dem Garta

Dò därf an Fenk òschlaga

D Birka om sich romm

s Hemmelblao en Lila vrwandla

Dò därf an Schmetterling

durch da Garta holpra

A Ros uffsprenga

saga

machat schnell mit am Riacha

s muaß fir a Jòhr langa

ond s Gras därf wachsa

von alloe

Ach so ja

d Birka därfat ab ond zua

mit ihre Blättla wenka

dass de dui Sonn net so sticht

4

Dr Hond wedelt mit am Schwanz

D Sonn stòht hoch

D Schaene schmeißt an

Schatta uff d Wies

A Ruah klengt en de Ohra

Dae Liegestuahl stòht en dr Sonn

Morga isch ao an Tag

vrspricht dr d Sonn

òbends

D Täg zehlsch net

dass se zehlat

5

Du hòsch gmäht

uff sellera Wies

S isch de dae

D Senns haot

s isch a Fraed

Den Löwazòh

uff därra Wies

duats ao mit om

Des duat dr loed

aber mäh mòl dromrom

Bei äller Liab

Beim Zammarecha

òbends

bisch nò froh

dass se doch no ihre Schirmla

hen uffganga lassa

6

Där Juni nemmt dr d Angscht

vor-am September ond

de Kender brengt-r Feria

Dòdrwäga laofat se uff Stelza em Hof

Sälber zammagnagelt

zaegat se de Große

wia groß se sen

Ond se hopfat mit de Soel

Dò hedat de Alte z schnaufat

Ond wia se sich drähat

beim Zehnerle

Dr Ball gega d Wand

Kommt nòh gega Òbend a Wendle uff

wedlat Birka mit de Blätter

ond saget

s wird langsam Zeit ens Bett

aber gäll

morga friah kommat-r wieder

Zua ällam Iberfluss

schlagat an soma